على ذكراك اعيش

علي ذكراك اعيش العمر يا ظالم و انا المظلوم

انا المظلوم في حبك وانا المبلي عجزت انساك

علي ضيم الدهر صابر و عيني ما تذوق النوم

وش الاسباب تهجرني و انا مقدر علي فرقاك

حرام انك تعذبني و انا ابقى يا بدر محروم

انا مقدر علي النسيان اعيش العمر في ذكراك

هني اللي تحقق مطلبه لا شك ذا معلوم

منايه ما تحقق يا عديم القلب وش نساك

سهر عيني يعذبني و باح الخافي المكتوم

من اسبابك وهجرانك و صدك ويش مني جاك

انا ودي تصارحني مضى وقتي سهر وهموم

همومن ما تفارقني تعنيني و اجي لحماك

انا موتي يهددني و انا مالي عن المقسوم

وانا ما في يدي حيله سوى الشكوى علي فرقاك

ما دام الخل ناسيني و عذالي تزيد اللوم

وش ابقي له انا و اعيش و اتبع مسير خطاك